बच्चू कडूंना ‘काळे फासणारास’ दोन लाखांचे बक्षीस 

कर्जत : प्रहार संघटनेचे प्रमुख बच्चू कडू यांना काळे फसल्यास दोन लाख रुपयांचे बक्षीस देण्यात येईल असे भारतीय जनता पक्षाची ओबीसी सेलचे जिल्हाध्यक्ष व कट्टर विखे समर्थक अशी ओळख असणारे  दादासाहेब सोनमाळी यांनी कर्जत येथे पत्रकारांशी बोलताना सांगितले.

राज्याच्या राजकारणात सध्या तापलेले वातावरण आणखी तापले आहे. प्रहार संघटनेचे नेते बच्चू कडू यांनी अलीकडेच राज्याचे वरिष्ठ नेते आणि जलसंपदा मंत्री राधाकृष्ण विखे पाटील यांच्या गाडीवर दगडफेक केल्यास एक लाख रुपयांचे बक्षीस जाहीर केल्यानंतर, या वक्तव्याचे तीव्र पडसाद अहिल्यानगर जिल्ह्यात उमटले आहेत.