छत्तीसगडमध्ये चकमकीत 7 नक्षलवादी ठार

गडचिरोली ः छत्तीसगडमधील नक्षलग्रस्त नारायणपूर जिल्ह्यात झालेल्या चकमकीत सुरक्षा दलांनी सात नक्षलवाद्यांना ठार केले. पोलीस अधिकार्‍यांनी ही माहिती दिली. या चकमकीत तीन जवान जखमी झाल्याचे अधिकार्‍यांनी सांगितले. पोलिस अधिकार्‍यांनी दिलेल्या माहितीनुसार, नारायणपूर, दंतेवाडा आणि कोंडागाव जिल्ह्यांच्या सीमेवर सुरक्षा दलांनी केलेल्या चकमकीत सात नक्षलवादी ठार झाले. सुरक्षा दल गोबेल भागात असताना नक्षलवाद्यांनी गोळीबार सुरू केला, त्यानंतर सुरक्षा दलांनीही प्रत्युत्तर दिले. यात 7 नक्षलवादी ठार झाले.