भाजप नेते पवन सिंग यांची पक्षातून हकालपट्टी

नवी दिल्ली ः भाजप नेते आणि भोजपुरी गायक पवन सिंग यांची पक्षातून हकालपट्टी करण्यात आली आहे. भाजपने जाहीर केलेल्या पहिल्या उमेदवारी यादीत प्रसिध्द भोजपुरी गायक पवन सिंह यांचे नाव होते. त्यांना पश्‍चिम बंगालमधील आसनसोल मतदारसंघातून उमेदवारी जाहीर झाली होती. पण जाहीर झालेले तिकीट त्याचवेळी नाकारत आता ते अपक्ष म्हणून निवडणुकीच्या रिंगणात उतरले आहेत. भाजपसाठी हा मोठा धक्का मानला जात आहे. पवन सिंह यांना एनडीएच्या उमेदवाराविरोधात केलेली बंडखोरी भोवली असून त्यांची पक्षातून हकालपट्टी करण्यात आली आहे.