सार्वजनिक शांतता बिघडवणार्‍या 13 जणांविरूद्ध गुन्हा

पुणे ः पुणे शहरातील कसबा पेठेतील छोटा शेख सल्ला दर्ग्यावर मोठ्या पोलीस बंदोबस्तात कारवाई करण्यात येणार असल्याची खोटी अफवा पसरवून सार्वजनिक शांतता बिघडवने प्रयत्न करणार्‍या 13 जणांविरुद्ध कोंढवा पोलीस ठाण्यात गुन्हा दाखल करण्यात आला आहे. शुक्रवारी रात्री छोटा शेख सल्ला दर्ग्यावर कारवाई करून तो पाडण्यात येणार असल्याची अफवा सोशल मीडियात पसरविण्यात आली. त्यानंतर चार ते पाच हजार जण कसबा परिसरात जमले आणि त्यांनी जोरदार घोषणाबाजी सुरू केली.त्यामुळे समाजमाध्यमातून अफवा परसल्यानंतर तणाव निर्माण झाला. त्यामुळे या भागात दीड हजारपेक्षा अधिक पोलिसांचा मोठा पोलीस बंदोबस्त ठेवण्यात आला. समाजमाध्यमातून अफवा पसरविणार्‍यांविरुद्ध 13 जणांविरुद्ध गुन्हा दाखल करण्यात आला आहे, अशी माहिती पोलिसांनी दिली. याबाबत सुभाष जरांडे यांनी कोंढवा पोलीस ठाण्यात याबाबत तक्रार दिली आहे.