बेलापुरात एक पणती जवानासाठी उपक्रम उत्साहात

बेलापूर ः आपले कर्तव्य बजावताना शहीद झालेले जवान व पोलिस बांधवांच्या प्रती कृतज्ञता व्यक्त करण्यासाठी  फ्रेंडस् फाँर ऐव्हर गृप व समस्त बेलापूर-ऐनतपूर ग्रामस्थ यांच्या संयुक्त विद्यमाने बेलापूर येथील विजय स्तंभ चौक येथे एक पणती जवानांसाठी-दीपोत्सव 2023 हा उपक्रम राबविण्यात आला.
2014 पासून दिपावली पाडव्याच्या दिवशी हा उपक्रम राबविण्यात येतो. हे या उपक्रमाचे 10 वे वर्ष होते. सैन्य दलात कार्यरत असलेले मेजर दिनेश वाघ, मेजर निलेश अमोलिक, मेजर मुकुंद कुटे, माजी सैनिक देविदास देसाई, शरद देशपांडे, सुजित शेलार तसेच बेलापूर पोलीस औट पोस्ट चे रामेश्‍वर ढोकणे, बडे, हरीश पानसंबळ आदीच्या हस्ते छत्रपती शिवाजी महाराज पुतळ्यास पुष्पहार अर्पण करून उपक्रमासास सुरुवात करण्यात आली. या नंतर उपस्थित मान्यवर व नागरिकांच्या हस्ते पणत्या प्रज्वलीत करण्यात आल्या. भारत भारत माता की जय,वंदे मातरम, शहीद जवान अमर रहे या घोषणानी परिसर दुमदुमून गेला होता. यावेळी शहीद जवान व पोलिस बांधव यांना श्रद्धांजली अर्पण करण्यात आली. यावेळी विविध संस्थांचे पदाधिकारी, नागरिक बंधू-भगिनी मोठ्या संख्येने उपस्थित होते. सदरचा उपक्रम यशस्वी करण्यासाठी फ्रेंड्स फॉर एव्हर ग्रुप चे अभिषेक खंडागळे,अँड. मयुर साळुंके, विष्णुकांत लखोटीया, जयेंद्र खटोड, राजेश सूर्यवंशी, सुभाष शेलार, ऋतुराज नाईक, विजय कोठारी, वेणूगोपाल सोमाणी, निशिकांत लखोटिया, प्रभात कुर्‍हे, साईनाथ शिरसाठ, सुमित सोमाणी, राम कुर्‍हे, सुभाष शेलार, महंत काळे,महेश कुर्‍हे, विशाल आंबेकर, सोमनाथ साळुंके, राहुल माळवदे आदींनी परिश्रम घेतले.