पालघरमध्ये दहावीतील विद्यार्थ्यांची अमानुष रॅगिंग

पालघर ः पालघरमध्ये दहावीच्या तब्बल 35 विद्यार्थ्यांना अकरावीच्या विद्यार्थ्यांनी रॅगिंगच्या नावाखाली अमानुष मारहाण केल्याचे समोर आले आहे. यामुळे मुलांच्या कानाच्या पडद्याला इजा झाली आहे. 30 सप्टेंबर रोजी रात्री अकरा वाजता माहीम येथील जवाहर नवोदय विद्यालयात हा प्रकार घडला. तब्बल सहा दिवसानंतर हा प्रकार उघडकीस आला आहे. धक्कादायक म्हणजे घडलेल्या प्रकाराबाबत विद्यालय प्रशासनालाही कुठलीही माहिती नव्हती. त्यामुळे पालकांकडून संताप व्यक्त केला जात आहे.