ग्रामीण पत्रकार संघाच्या राज्य सचिवपदी राजेंद्र वाघमारे

नेवासाफाटा/प्रतिनिधी ः द युवा ग्रामीण पत्रकार संघाच्या राज्य सचिवपदी नेवासा फाटा येथील जेष्ठ पत्रकार राजेंद्र वाघमारे यांची नियुक्ती करण्यात आली आहे.युवा ग्रामीण पत्रकार संघाचे महाराष्ट्र राज्य संस्थापक अध्यक्ष शेख अन्सार बाबासाहेब यांनी ही नियुक्तीपत्र देऊन केली आहे. एक निर्भीड पत्रकार म्हणून राजेंद्र वाघमारे यांनी आतापर्यंत विविध दैनिकांमधून आपली सामाजिक व राजकीय भूमिका सडेतोडपणे मांडली असून त्यांच्या पत्रकारितेच्या क्षेत्रातील कार्याची दखल घेत ग्रामीण भागातील पत्रकारांना एका छत्राखाली आणण्यासाठी त्यांची ही निवड करण्यात आली असल्याचे दिलेल्या नियुक्ती पत्रात म्हटले आहे. ज्येष्ठ पत्रकार राजेंद्र वाघमारे यांनी द युवा ग्रामीण पत्रकार संघाच्या राज्य सचिव पदी निवड झाल्याबद्दल त्यांच्या पत्रकार क्षेत्रातील विविध संघटनांनी अभिनंदन केले आहे.ग्रामीण भागातील पत्रकारांच्या विविध प्रश्‍न समस्या आपण संघटनेच्या माध्यमातून राज्य शासनाकडे मांडून त्यांना न्याय देण्यासाठी प्रयत्न करणार असल्याचा निर्धार राजेंद्र वाघमारे यांनी नियुक्ती नंतर बोलताना केला आहे.