महावितरण विरोधात स्वाभिमानी शेतकरी संघटना आक्रमक

  बीड प्रतिनिधी – बीडमध्ये स्वाभिमानी शेतकरी संघटना महावितरण विरोधात आक्रमक झाली आहे. शेतकऱ्यांनी थेट अधीक्षक अभियंता यांच्या दालनात घुसून अधिकाऱ्यांना जाब विचारला आहे. शेतकऱ्यांना रात्री वीज देण्याऐवजी दिवसा विद्युत पुरवठा सुरळीत करावा, अशी प्रमुख मागणी यावेळी करण्यात आली आहे. थकीत वीज बिलाच्या नावाखाली महावितरण कार्यालयाने अनेक शेतकऱ्यांची वीज खंडित केली. त्यामुळे शेतकऱ्यांच्या पिकांचं नुकसान होत आहे. वारंवार महावितरण कार्यालयाकडे पाठपुरावा करून देखील कोणतीही दखल घेतली जात नसल्याने आज स्वाभिमानी शेतकरी संघटनेने थेट महावितरण कार्यालयात घुसूनच हे आंदोलन केलं आहे. जोपर्यंत विद्युत पुरवठा सुरळीत केला जाणार नाही तोपर्यंत माघार घेणार नाही, असा पवित्रा शेतकऱ्यांनी घेतला आहे.