गुगलचे पुणे ऑफिस बॉम्बने उडवण्याची धमकी

पुणे प्रतिनिधी – अज्ञात व्यक्तीने महाराष्ट्रातील पुणे येथील गुगलचे कार्यालय उडवून देण्याची धमकी दिली आहे. आरोपीने मुंबईतील बीकेसी कार्यालयात फोन करून गुगलचे कार्यालय उडवून देण्याची धमकी दिली. मात्र, फोन करणाऱ्याची ओळख पटली असून मुंबई पोलिसांनी आरोपीला अटक करून या प्रकरणाचा तपास सुरू केला आहे. पोलिसांनी सांगितले की, बीकेसी कार्यालयातून फोन आल्यानंतर पोलिसांनी या प्रकरणाचा तपास सुरू केला आणि पुण्यातील गुगलच्या कार्यालयालाही काही काळासाठी अलर्टवर ठेवण्यात आले. यासोबतच फोन करणार्‍यालाही ट्रेस करून अटक करण्यात आली आहे.