प्रियांका चोप्राने शेअर केली मुलगी मालतीची पहिली झलक

अभिनेत्री प्रियांका चोप्रा नेहमीच कोणत्या ना कोणत्या कारणाने चर्चेत असते. बॉलिवूड ते हॉलिवूड असा प्रवास करणार प्रियांका आता परदेशात रमली आहे. पती निक आणि मुलगी मालती मेरीसोबत प्रियांका या सुखी आयुष्य जगत आहे. प्रियांकाची मुलगी मालतीचा जेव्हा जन्म झाला तेव्हापासून तिच्या विषयी सगळ्यांना कुतूहल आहे. प्रियंकाने जाणीवपूर्वक तिचा चेहरा सर्वांपासून लपवला होता. पण एका कार्यक्रमादरम्यान प्रियांका मुलगी मालतीसह उपस्थित राहिली होती.

यावेळी मात्र प्रियांकाने मालती व्हिडिओच सर्वांसोबत शेअर केला आहे. मालतीसह जोनास ब्रदर्सच्या देखील सामील होते. क्रीम स्वेटर आणि मॅचिंग शॉर्ट्स घातलेल्या पांढर्‍या टॉपमध्ये मालती सुंदर दिसत होती. तर प्रियंका मालतीला मांडीत घेऊन बसलेली होती. प्रियंकाने तिच्या इन्स्टाग्रामवर एक व्हिडिओ शेअर केला आहे. या व्हिडिओमध्ये प्रियांका आणि मालती निक जोनसला चिअर करताना दिसत आहेत. प्रियंकाने यादी सुद्धा मालतीचे फोटो सोशल मीडियावर शेअर केले होते. पण त्यावेळी तिने मालतीचा चेहरा दाखवला नव्हता. मालतीला पाहून सर्वजण खूप खुश आहेत. बॉलिवूडपासून ते हॉलिवूडपर्यंत सगळेच मालतीचे कौतुक करत आहेत. तर काहीजण मालती वडील निकसारखी दिसत असल्याचे म्हणत आहेत. प्रियंकाने काही दिवसांपूर्वी ‘ब्रिटिश वोग’ या मासिकाला दिलेल्या मुलाखतीमध्ये तिच्या आणि मालतीच्या संपूर्ण प्रवासाविषयी सांगितले होते. मालतीच जन्म झाल्यानंतर त्यांना तिला सांभाळणे कसे कठीण होते, हे सर्व प्रियंकाने शेअर केले होते. तसेच प्रियांका सेरोगेसीचा पर्याय का निवडला याचा सुद्धा तिने खुलासा केला होता.