पंतप्रधानांच्या हस्ते 71 हजार नियुक्ती पत्रांचे वितरण

नवी दिल्ली : देशातील विविध सरकारी विभाग आणि संस्थांमधील 10 लाख कर्मचार्‍यांसाठी आयोजित रोजगार मेळावा मोहिमेंतर्गत आज, शुक्रवारी पंतप्रधान नरेंद्र मोदी यांनी 71 हजार कर्मचार्‍यांना नियुक्तीपत्रे सुपूर्द केली. या कार्यक्रमाला पंतप्रधानांनी व्हिडीओ कॉन्फरन्सींगच्या माध्यमातून हजेरी लावली होती.

कर्मयोगी मॅनेजमेंट मॉड्यूल हा विविध सरकारी विभागांमध्ये नव्याने नियुक्त झालेल्या सर्व कर्मचार्‍यांसाठी ऑनलाइन इंडक्शन कोर्स आहे. यामध्ये सरकारी नोकरांसाठी आचारसंहिता, कामाच्या ठिकाणी नीतिमत्ता, सचोटी आणि मानवी संसाधन धोरणे यांचा समावेश आहे.   हा 10 लाख लोकांना नोकर्‍या देण्यासाठी 2022 मध्ये पंतप्रधानांनी जाहीर केलेल्या ’रोजगार मेळा’ मोहिमेचा हा एक भाग आहे  यावेळी नियुक्तीपत्रे मिळालेले युवक कनिष्ठ अभियंता, लोको-पायलट, तंत्रज्ञ, निरीक्षक, उपनिरीक्षक, कॉन्स्टेबल, लघुलेखक आणि कनिष्ठ लेखापाल, ग्रामीण डाक सेवक, आयकर निरीक्षक, शिक्षक, परिचारिका, डॉक्टर आणि सुरक्षा अधिकारी या पदांसाठी पात्र आहेत. देशभरातील विविध सरकारी विभागांमध्ये नियुक्ती केली जाणार आहे. नियुक्ती पत्रांचे वितरण केल्यानंतर, पंतप्रधानांनी काही उमेदवारांशी व्हिडिओ कॉन्फरन्सिंगद्वारे संवाद साधला आणि त्यांनी त्यांचा जीवन प्रवास शेअर केला.  रोजगार निर्मितीला सर्वोच्च प्राधान्य देण्याच्या वचनबद्धतेच्या पूर्ततेच्या दिशेने हे एक पाऊल असल्याचे पंतप्रधान मोदी यांनी म्हटले आहे. ’रोजगार मेळा’ पुढील रोजगार निर्मितीमध्ये उत्प्रेरक म्हणून काम करेल आणि तरुणांना त्यांच्या सक्षमीकरणासाठी आणि राष्ट्रीय विकासात सहभागासाठी अर्थपूर्ण संधी उपलब्ध करून देईल, अशी अपेक्षा पंतप्रधान मोदी यांनी व्यक्त केली.