सप्तश्रृंगी गडावर जाणाऱ्या एसटी बसला भीषण आग

नाशिक प्रतिनिधी – नाशिक(Nashik) मध्ये एका खासगी बसला आग लागून मोठी दुर्घटना घडल्याची घटना ताजी असतानाच, आणखी एक मोठी बातमी समोर आली आहे. नाशिकमध्ये सप्तश्रृंगी गडा(Saptshringi Fort) वर जाणाऱ्या एसटी बसला अचानक आग लागली. ही बस गडावर भाविकांना घेऊन जात होती. सुदैवानं या घटनेत कुठलीही जीवितहानी झाली नाही. बसमधील सर्व प्रवाशांना वेळीच खाली उतरवल्याने मोठी जीवितहानी टळली आहे. दरम्यान,एसटी बसला आग लागल्याची माहिती मिळताच, स्थानिक नागरिकांनी घटनास्थळी धाव घेतली. बसमधील प्रवाशांना सुखरूप बाहेर काढण्यात आलं असून अग्निशमन दलाकडून आग विझवण्याचे काम सुरू आहे.