कॉलेजच्या दुसऱ्या माळ्यावरून विद्यार्थिनीने मारली उडी

चंद्रपूर  प्रतिनिधी – कॉलेजच्या इमारतीवरून उडी घेऊन विद्यार्थिनीने आत्महत्येचा प्रयत्न केला. हा धक्कादायक प्रकार चंद्रपूर(Chandrapur) शहरातील सोमय्या पॉलिटेक्निक कॉलेज(Somayya Polytechnic College) मध्ये घडला. बारावीचे शिक्षण घेणारी ही विद्यार्थिनी निट परीक्षेची तयारी करीत होती. प्रकरण दडपणाऱ्या संस्थेविरोधात शिवसेना आक्रमक झाली आहे. शिवसैनिकांनी महाविद्यालयातील प्राचार्यांना मारहाण केली. जखमी अवस्थेत असलेल्या विद्यार्थिनीला शहरातील एका खाजगी रुग्णालयात उपचारासाठी हलविण्यात आले. मात्र प्रकृती चिंताजनक असल्याने नागपूर उपचारासाठी नेण्यात आले. नागपूरच्या धंतोली पोलीस स्टेशन(Dhantoli Police Station) मध्ये गुन्हा दाखल झाला.