दारूच्या नशेत इमारतीच्या खिडकीतून खाली उतरण्याचा प्रयत्न.

पुणे प्रतिनिधी / दारूची नशा अनेकदा प्राणघातक ठरू शकते नुकतीच अशी घटना पिंपरी चिंचवडमध्ये घडली असून यावरून दारूची नशा किती जीवघेणी ठरू शकते, हे लक्षात येते. या घटनेचा धक्कादायक व्हिडिओही समोर आला आहे. दारू पिण्याच्या सवयीमुळे एका व्यक्तीने पाचव्या मजल्यावरील घराच्या खिडकीतून खाली उतरण्याचा प्रयत्न केला. यादरम्यान त्याचा तोल बिघडला आणि तो खाली पडला. या घटनेत त्याचा जागीच मृत्यू झाला. ही घटना पिंपरी शहरातील निगडी भागातील प्रेरणा सोसायटीच्या आकरा क्रमांकाच्या इमारतीत घडली.ही संपूर्ण घटना कॅमेऱ्यात कैद झाली असून ते दृश्य हृदय पिळवटून टाकणारे आहे.