एक कोटीची लाच मागणारा निलंबित पोलीस कॉन्स्टेबल अखेर पोलिसांच्या जाळ्यात.

सांगली प्रतिनिधी- पुणे(pune) जिल्ह्यातील देहूरोड(Dehu Road) येथील शेतकऱ्याकडे एक कोटीच्या लाचेची मागणी करणारा कोल्हापूर पोलीस दलातील निलंबित पोलीस कॉन्स्टेबल जॉन विलास तिवडे(John Vilas Tivade) याला सांगली(sangli) जिल्ह्यातील कुपवाड(Kupwad) एम.आय.डी.सी.पोलिसांनी(MIDC Police) अटक केली. 2020 मध्ये नात्यातील एका अल्पवयीन मुलीचे अपहरण आणि अत्याचार केल्याप्रकरणी जॉन तिवडे यावर कुपवाड मध्ये गुन्हा दाखल होता. या गुन्ह्यात तो दोन वर्षापासून फरार होता. कुपवाड एम. आय. डी. सी. पोलिसांनी जॉन तिवडे याला अटक केली असून आरोपी जॉन तिवडे याला न्यायालयाने तीन दिवसांची पोलीस कोठडी दिली आहे.