कोपरगाव : कोपरगाव नगरपरिषद हद्दीतील प्रधानमंत्री आवास योजना 2.0 अंतर्गत 48 लाभार्थ्यांना घरकुल मंजूर झाले आहेत. पीएमएवाय-यूच्या 76 व्या आणि पीएमएवाय 2.0 च्या 6 व्या केंद्रीय सनियंत्रण समितींच्या बैठकीत या घरकुलांना नुकतीच मंजुरी देण्यात आली. ही बैठक आवासन व शहरी कार्य मंत्रालय,नवी दिल्ली यांच्या अधिपत्याखाली पार पडली. नगरपरिषदेच्या वतीने येत्या 16 मार्च 2026 रोजी नगरपरिषद हद्दीतील पात्र लाभार्थ्यांना मंजुरी पत्रकांचे वितरण करण्यात येणार असल्याची माहिती नगराध्यक्ष पराग संधान यांनी दिली. पंतप्रधान नरेंद्र मोदी यांच्या दूरदृष्टीतून राबविण्यात येत असलेल्या या योजनेअंतर्गत मुख्यमंत्री देवेंद्र फडणवीस यांच्या माध्यमातून पीएमएवाय २.० अंतर्गत शहरातील मजूर असलेल्या ५३ लाभार्थ्यांपैकी ११ लाभार्थ्यांच्या खात्यात प्रत्येकी एक लाख रुपये, असा एकूण ११ लाख रुपयांचा निधी ११ मार्च २०२६ रोजी वर्ग करण्यात आला आहे. त्यामुळे संबंधित लाभार्थ्यांना घर बांधकामाच्या पहिल्या टप्प्यासाठी आर्थिक मदत मिळाली आहे. उर्वरित लाभार्थ्यांना बांधकामाच्या प्रगतीनुसार पुढील टप्प्यातील अनुदान लवकरच देण्यात येणार असल्याचेही संधान यांनी सांगितले. कोपरगाव नगर परिषद मध्ये प्रधानमंत्री आवास योजना अंतर्गत नाव नोंदणी सुरू आहे. स्वतःच्या मालकीची जागा आहे अशा लाभार्थ्यांना बीएलसी घटकांतर्गत नाव नोंदणी करता येईल व मंजुरीसाठी तो प्रस्ताव लवकरात लवकर शासन स्तरावर पाठवण्यात येतील असेही सांगण्यात आले आहे. त्यामुळे कोपरगाव नगरपरिषद हद्दीत प्रधानमंत्री आवास योजनेअंतर्गत सुरू असलेल्या घरांच्या बांधकामाला शासनाकडून मोठे सहकार्य मिळणार असून घरकुल उभारणीस अधिक वेग येईल, असा विश्वासही नगराध्यक्ष पराग संधान यांनी व्यक्त केला.
कोपरगाव : कोपरगाव नगरपरिषद हद्दीतील प्रधानमंत्री आवास योजना 2.0 अंतर्गत 48 लाभार्थ्यांना घरकुल मंजूर झाले आहेत. पीएमएवाय-यूच्या 76 व्या आणि पीएमएवाय 2.0 च्या 6 व्या केंद्रीय सनियंत्रण समितींच्या बैठकीत या घरकुलांना नुकतीच मंजुरी देण्यात आली. ही बैठक आवासन व शहरी कार्य मंत्रालय,नवी दिल्ली यांच्या अधिपत्याखाली पार पडली. नगरपरिषदेच्या वतीने येत्या 16 मार्च 2026 रोजी नगरपरिषद हद्दीतील पात्र लाभार्थ्यांना मंजुरी पत्रकांचे वितरण करण्यात येणार असल्याची माहिती नगराध्यक्ष पराग संधान यांनी दिली.
पंतप्रधान नरेंद्र मोदी यांच्या दूरदृष्टीतून राबविण्यात येत असलेल्या या योजनेअंतर्गत मुख्यमंत्री देवेंद्र फडणवीस यांच्या माध्यमातून पीएमएवाय २.० अंतर्गत शहरातील मजूर असलेल्या ५३ लाभार्थ्यांपैकी ११ लाभार्थ्यांच्या खात्यात प्रत्येकी एक लाख रुपये, असा एकूण ११ लाख रुपयांचा निधी ११ मार्च २०२६ रोजी वर्ग करण्यात आला आहे. त्यामुळे संबंधित लाभार्थ्यांना घर बांधकामाच्या पहिल्या टप्प्यासाठी आर्थिक मदत मिळाली आहे. उर्वरित लाभार्थ्यांना बांधकामाच्या प्रगतीनुसार पुढील टप्प्यातील अनुदान लवकरच देण्यात येणार असल्याचेही संधान यांनी सांगितले.
कोपरगाव नगर परिषद मध्ये प्रधानमंत्री आवास योजना अंतर्गत नाव नोंदणी सुरू आहे. स्वतःच्या मालकीची जागा आहे अशा लाभार्थ्यांना बीएलसी घटकांतर्गत नाव नोंदणी करता येईल व मंजुरीसाठी तो प्रस्ताव लवकरात लवकर शासन स्तरावर पाठवण्यात येतील असेही सांगण्यात आले आहे. त्यामुळे कोपरगाव नगरपरिषद हद्दीत प्रधानमंत्री आवास योजनेअंतर्गत सुरू असलेल्या घरांच्या बांधकामाला शासनाकडून मोठे सहकार्य मिळणार असून घरकुल उभारणीस अधिक वेग येईल, असा विश्वासही नगराध्यक्ष पराग संधान यांनी व्यक्त केला.
COMMENTS