पंढरपूर श्रीक्षेत्र नारायण गड येथे तुळसी पूजा व श्रीमद् भागवत सप्ताह भव्य दिव्य कार्यक्रम

बीड । प्रतिनिधी
सालाबादप्रमाणे याही वर्षी तीर्थक्षेत्र भू वैकुंठ पंढरपूर येथे भव्य दिव्य तुळसी पूजा व श्रीमद् भागवत सप्ताह आयोजित करण्यात आले आहेत. हा कार्यक्रम ह.भ.प. नारायण गडाचे उत्तराधिकारी संभाजी महाराज यांच्या कुशल मार्गदर्शनाखाली पार पडणार आहे.
कार्यक्रम 8 जानेवारी, गुरुवार, पौष कृष्ण अष्टमी रोजी सुरु होईल व 15 जानेवारी, गुरुवार, पौष कृष्ण द्वादशी रोजी सांगता होणार आहे. दररोज सकाळी नऊ ते बारा वाजता काकडा हरिपाठ, संगीत व भजनाचे कार्यक्रम आयोजित केले आहेत, तर संध्याकाळी सहा ते नऊ वाजता श्रीमद् भागवत कथा वाचनाचे सत्र होईल. ही कथा ह.भ.प. भागवताचार्य महाराज जोशी यांच्या सुमधुर वाणीने प्रेक्षकांना ऐकवली जाईल. या कार्यक्रमात नामांकित व गुणवंत व्यक्ती, संत, महंत, गुणीजन मंडळी उपस्थित राहणार आहेत. कार्यक्रमाची सांगता ह.भ.प. महंत गुरुवर्य प्रेम मूर्ती शिवाजी महाराज यांच्या कीर्तनाने होईल. सांगता संपल्यानंतर उपस्थितांसाठी महाप्रसाद दिला जाईल. संपूर्ण नारायण गड भक्त, तसेच बीड, छत्रपती संभाजीनगर, अहिल्यानगर, पुणे, जालना, सोलापूर, कोल्हापूर इत्यादी भागातून महिला-पुरुष मोठ्या संख्येने या कार्यक्रमात उपस्थित राहणार आहेत. संभाजी महाराज यांनी सांगितले की, हा कार्यक्रम केवळ धार्मिक कार्यक्रम नाही तर भक्तांना आध्यात्मिक अनुभव घेण्याची सुवर्णसंधी आहे. तसेच, प्रत्येक दिवशी भक्तांना तुळशी पूजा, हरिपाठ, भजन, भागवत कथा यांच्या माध्यमातून अध्यात्मिक उन्नतीचा अनुभव मिळेल. यावर्षी या कार्यक्रमात विशेष आकर्षण म्हणून अनेक नामांकित व्यक्ती आणि समाजसेवक उपस्थित राहणार आहेत, ज्यामुळे हा सण अधिक भव्यतेने साजरा होईल असे आयोजकांनी सांगितले.