नाशिक : नाशिक शहरातून एक धक्कादायक बातमी समोर आली आहे. शहरातील एका उच्चभ्रू परिसरात 'स्पा' सेंटरच्या नावाखाली नको तो प्रकार सुरू होता. परराज्यातू
नाशिक : नाशिक शहरातून एक धक्कादायक बातमी समोर आली आहे. शहरातील एका उच्चभ्रू परिसरात ‘स्पा’ सेंटरच्या नावाखाली नको तो प्रकार सुरू होता. परराज्यातून बोलावलेल्या मुलींना देहविक्रीसाठी भाग पाडलं जात होतं. नाशिक पोलिसांनी मोठी कारवाई केली आहे. शहरात ‘स्पा’ सेंटरच्या नावाखाली सुरू असलेल्या देहविक्री रॅकेटचा पर्दाफाश केला आहे. एका महिलेला अटक करण्यात आली असून पाच तरुणींची सुटका करण्यात आली आहे. पीडित तरुणी परराज्यातून बोलावण्यात आल्या होत्या. त त्यांच्याकडून ल्या मुलींना देहविक्रीसाठी भाग पाडलं जात होतं, अशी धक्कादायक माहिती मिळाली आहे. पोलिसांनी धडक कारवाई करत या रॅकेटची सूत्रधार असलेल्या एका महिलेला अटक केली असून पाच पीडित तरुणींची सुटका करण्यात आली आहे.
मिळालेली माहिती अशी, की नाशिकच्या मुंबईनाका परिसरात मुख्य रस्त्यावरील एका नव्या व्यापारी संकुलात ‘आरंभ स्पा’ नावाने मसाज पार्लरमध्ये सुरू करण्यात आलं होतं. मसाज पार्लरच्या नावाखाली काही तरुणींकडून देहविक्री करून घेतली जात होती. पोलिस आयुक्तालयातील मध्यवर्ती गुन्हे शाखेकडून गुरुवारी (21 ऑगस्ट) रात्री या स्पावर छापा टाकण्यात आला. या छाप्यात पोलिसांना धक्कादायक वास्तव समोर आले. पाच तरुणींची पोलिसांनी सुखरूप सुटका केली आहे. तर संशयित आरोपी खुशबू सुराणा हिला अटक केली आहे. सर्व मुली दिल्ली, कानपूर, बिहार आणि मिझोराम येथील आहेत.
परराज्यातून बोलावण्यात आल्या तरुणी
दिल्ली, कानपूर, बिहार, मिझोराम या राज्यांमधून तरुणींना पैशाचं आमिष दाखवून बोलावण्यात आलं होतं, अशी माहिती तपासात समोर आली आहे. आरोपी खुशबू सुराणा हिच्याविरुद्ध यापूर्वी अनैतिक देहविक्री व्यवसाय चालवणे, अल्पवयीन मुलींचे लैंगिक शोषण केल्याप्रकरणी पोस्को कायद्यांतर्गत गुन्हे दाखल असल्याची माहिती समोर आली आहे. मुंबई नाका पोलिस स्टेशनमध्ये आरोपीविरुद्ध गुन्हा दाखल करण्यात आला आहे.
शहरात खळबळ
शहरातील एका उच्चभ्रू परिसरात ‘स्पा’ सेंटरच्या नावाखाली नको तो प्रकार सुरू होता. या घटनेमुळे शहरात एकच खळबळ उडाली आहे. पोलिस या प्रकरणाचा पुढील तपास करत आहेत. अशाप्रकारे व्यापारी संकुलांमध्ये चालणाऱ्या गैरकृत्यांमुळे नागरिकांमध्ये चिंतेचे वातावरण निर्माण झाले आहे.
COMMENTS