सोमनाथ सूर्यवंशीची पोलिसांनी केलेली हत्याच : खा. राहुल गांधी

परभणी : परभणीत संविधान शिल्पाची तोडफोड केल्यानंतर आंबेडकरी समाजाकडून परभणी बंदची घोषणा देण्यात आली होती. यावेळी 11 डिसेंबर रोजी पुकारलेल्या बंदला हिंसक वळण लागले होते. यात पोलिसांनी अनेकांची धरपकड केली होती, त्यात सोमनाथ सूर्यवंशी याला देखील ताब्यात घेण्यात आले होते. पोलिस कोठडीत त्याचा मृत्यू झाला होता. याप्रकरणी काँगे्रस नेते, लोकसभेचे विरोधी पक्षनेते राहुल गांधी यांनी सोमवारी परभणीत सोमनाथ सूर्यवंशींच्या कुटुंबियांची भेट घेतली. त्यानंतर माध्यमांशी बोलतांना राहुल गांधी म्हणाले की, सोमनाथ सूर्यवंशी यांची पोलिसांनी केलेली ही हत्याच आहेत.