पुण्यात पुन्हा हिट अ‍ॅण्ड रन प्रकरण

पुणे : पुण्यात प्रसिद्ध उद्योजकाच्या मुलाने पोर्शे कार चालवून दोन जणांचा बळी घेतल्याच्या घटनेनंतर पुन्हा एकदा हिट अ‍ॅण्ड रनची घटना मुंढवा परिसरात शुक्रवारी घडली. या अपघातात रुउफ अकबर शेख (वय -21) याचा दुर्देविरीत्या मृत्यू झाला आहे. अपघातानंतर पसार झालेल्या वाहनचालकाचा पोलिसांनी शोध घेऊन त्याला राहत्या घरातून अटक केली आहे. प्रदीप तयाल( वय 34 वर्षे, रा. हडपसर, पुणे) असे अटक करण्यात आलेल्या आरोपीचे नाव आहे.
पोलिसांनी दिलेल्या माहितीनुसार शुक्रवारी मध्यरात्री 1.30 ते 1.35 वा सुमारास एबीसी रोडकडून ताडी गुता चौकाकडे जाणार्‍या रस्त्यावर एम एच 12 एन ई 4464 कारचालकाने प्रथम अ‍ॅॅक्टिवा वरील तिघांना जोरात धडक मारली त्यात ते तिघे रस्त्यावर खाली पडले त्यांना किरकोळ मार लागला. त्यानंतर पुढे एक्सेस गाडीवरून जाणार्‍या टू व्हीलर चालक रुउफ अकबर शेख यास पाठीमागून ऑडी कारने जोरात धडक दिल्याने तो जखमी झाला होता. त्यानंतर त्याला जखमी अवस्थेत नोबल हॉस्पिटल येथे ऍडमिट करण्यात आले होते. मात्र, रुग्णालयात जखमी तरुणाचा मृत्यू झालेला आहे. सदरचा वाहनचालक अपघात करून पळून गेलेला होता. सीसीटीव्ही फुटेजच्या माध्यमातून वाहनाचा क्रमांक प्राप्त करून त्यात मिळालेल्या मोबाईल नंबर वरून वाहनचालकचा पत्ता मिळाला त्यातून संबधित वाहनचालक आयुष प्रदीप तयाल (वय 34 ) यास त्याचे राहते घरातून ताब्यात घेतले असून सदरचे वाहन ताब्यात घेण्यात आले आहे. त्याच्यावर भा न्या स . 105,281, 125(र), 132 119,177,184 अन्वये गुन्हा दाखल करण्यात आला आहे. पुढील तपास मुंढवा पोलिस करत आहे.