हिमाचलमध्ये ढगफुटी, शिमल्यात भूस्खलन

नवी दिल्ली ः हिमाचल प्रदेशातील अनेक जिल्ह्यांमध्ये उशिरा मुसळधार पाऊस झाला. त्यामुळे अनेक ठिकाणी दरड कोसळल्याने 80 हून अधिक रस्ते बंद झाले आहेत. शिमल्यातील मेहली-शोघी मार्गावर भूस्खलनामुळे एक वाहनही ढिगार्‍याखाली गाडले गेले. त्याच वेळी, रविवारी किन्नौर जिल्ह्यातील ग्याबुंगमध्ये ढगफुटी झाली. त्यामुळे परिसरात जोरदार पाऊस झाला. दुसरीकडे, उत्तर प्रदेशातील ललितपूरमध्ये पावसामुळे पूरस्थिती निर्माण झाली आहे.