फार्महाऊसचे छत कोसळून 5 जणांचा मृत्यू

महू ः इंदूरजवळील महू येथील चोरल गावात बांधकाम सुरू असलेल्या फार्म हाऊसचे छत कोसळले. या अपघातात 5 मजुरांचा मृत्यू झाला. ही घटना गुरुवारी रात्री उशिरा घडली. शुक्रवारी सकाळी ग्रामस्थ घटनास्थळी पोहोचले असता अपघात झाल्याचे समजले. त्यांनी सिमरोल पोलिसांना माहिती दिली. पोलिस-प्रशासनाचे पथक घटनास्थळी पोहोचले आणि तीन जेसीबी आणि पोकलेनच्या मदतीने मदतकार्य सुरू केले. सुमारे तीन तास चाललेल्या या बचावकार्यात एक एक करून पाच कामगारांचे मृतदेह बाहेर काढण्यात आले.