‘वर्षा’वर 3 महिन्यात जेवणासाठी 2.38 कोटींचा खर्च

मुंबई : मुख्यमंत्री एकनाथ शिंदे यांच्या शासकीय निवासस्थानावर 3 महिन्यात जेवणासाठी तब्बल 2 कोटी 38 लाख रुपये खर्च झाल्याची माहिती माहिती अधिकारात समोर आली आहे. माहिती अधिकार कार्यकर्ते नितीन संजय यादव याबाबतची माहिती मागवली होती. वर्षा निवासस्थानावर खानपान सेवेसाठी 1 जुलै 2022 ते 31 ऑक्टोबर 2022 या 123 दिवसात 2 कोटी 38 लाख 34 हजार 958 रुपये खर्च करण्यात आले आहेत. म्हणजेच दिवसाला सुमारे 1 लाख 93 हजार रुपयांचा खर्च मुख्यमंत्र्यांच्या वर्षा या शासकीय निवास्थानावर होत आहे.