काँग्रेसच्या रश्मी बर्वें यांचे जिल्हा परिषद सदस्यत्वही रद्द

नागपूर ः जात पडताळणीत प्रकरणी अपात्र ठरलेल्या महाविकास आघाडीच्या अधिकृत उमेदवार रश्मी बर्वे यांना सलग दूसरा मोठा धक्का बसला आहे. काँग्रेसने उमेदवारी जाहीर केल्यानंतर रश्मी बर्वे यांचे जात वैधता प्रमाणपत्र रद्द झाल्यामुळे त्यांचा उमेदवारी अर्ज बाद करण्याचा निर्णय निवडणूक आयोगाने घेतला होता. त्यानंतर आता याच कारणामुळं त्यांचे जिल्हा परिषद सदस्यत्व देखील रद्द झाले आहे. विभागीय आयुक्त विजयलक्ष्मी बिदरी यांनी याबाबतचा आदेश जारी केला असून या निर्णयामुळे बर्वे यांना सलग दुहेरी धक्का बसला आहे.