भयंकर! तरुणाने गाडीतच स्वतःला घेतले पेटवून.

नेवासा प्रतिनिधी- संभाजीनगर(Sambhajinagar) महामार्गावरील बाभूळवेढे शिवारातील शनी चौथऱयाजवळ कारचालकाने चालत्या गाडीत स्वतःला पेटवून घेण्याची घटना मंगळवारी पहाटे घडली आहे. यात कार जळून खाक झाली असून, चालक जखमी झाला आहे.लंकेश पराजी चिताळकर(Lankesh Paraji Chitalkar) असे जखमी चालकाचे नाव आहे. चालक 20 टक्के भाजल्याने त्याला सुरुवातीला नगर आणि नंतर पुण्यात हलविण्यात आले आहे. दरम्यान, लंकेशने स्वतःला पेटवून घेत आत्महत्येचा प्रयत्न का केला याचे कारण समजू शकले नाही.