भर दिवसा दुकानांमध्ये महिलेचे दागिने ओरबडले

कर्जत : जिल्ह्यामधील कर्जत तालुक्यातील कोरेगाव येथे शिवदत्त किराणा अँड जनरल स्टोअर्स या दुकानांमध्ये भर दिवसा दुपारी चार वाजण्याच्या सुमारास दोन चोरट्यांनी पाण्याची बॉटल खरेदी करण्याचे निमित्त करत महिला व्यापारी यांच्या गळ्यातील सोन्याचे दागिने चोरून नेले आहे ही घटना सीसीटीव्ही कॅमेरा मध्ये कैद झाली आहे.

 याबाबत घडलेली घटना अशी की अहिल्यानगर जिल्ह्यातील कर्जत तालुक्यातील कोरेगाव येथील श्री दत्त किराणा अँड जनरल स्टोअर्स या दुकानांमध्ये तीन तारखेला दुपारी चार वाजता रोहिणी रवींद्र शेळके या महिला व्यापारी दुकानांमध्ये होत्या. त्यावेळी दुचाकी वर दोन चोरटे तोंडाला रुमाल बांधून दुकानांमध्ये आले. व पिण्याच्या पाण्याची बॉटल मागितली. पाण्याची बॉटल खरेदी करण्यासाठी चोरट्याने पन्नास रुपये दिले. महिला व्यापाऱ्यांनी पैसे पन्नास रुपये घेऊन ते गल्ल्यात टाकून सुट्टे पैसे देत असताना चोरट्याने त्या संधीचा फायदा घेत त्यांच्या गळ्यातील सोन्याची दागिने ओरबडले आणि साथीदाराच्या गाडीवर बसून पळून गेला.