अनंतनागमध्ये शोधमोहीम सुरू

श्रीनगर ः जम्मू-काश्मीरच्या अनंतनागमधील कोकरनागमध्ये तिसर्‍या दिवशीही शोधमोहीम सुरूच आहे. शनिवारी सुरक्षा दलांना अनंतनागमध्ये दहशतवादी लपल्याची माहिती मिळाली होती. लष्कर आणि दहशतवाद्यांमध्ये झालेल्या गोळीबारात हवालदार दीपक कुमार यादव आणि लान्स नाईक प्रवीण शर्मा शहीद झाले. या गोळीबारात दोन नागरिकही जखमी झाले असून त्यापैकी एकाचा रविवारी रुग्णालयात मृत्यू झाला. त्यानंतर दहशतवाद्यांचा शोध घेण्यात येत आहे. सोमवारी देखील दहशतवाद्यांचा शोध घेण्यात येत आहे.