पाकिस्तानात पेट्रोलच्या दरात ६ रुपयांची कपात

इस्लामाबाद : इराण आणि अमेरिका यांच्यातील संघर्षामुळे कच्च्या तेलाच्या किमती वाढत आहेत. यामुळे जगात पेट्रोल आणि डिझेलचे दर गगनाला भिडू लागले आहेत. भारताने देखील दरवाढीबाबत हळूहळू सामान्यांच्या खिशाला हात घालायला सुरुवात केली आहे.

आश्चर्याची बाब म्हणजे भारताचा शेजारी पाकिस्ताने उलटा डाव टाकला आहे. त्यांनी पेट्रोल-डिझेलचे दर वाढवण्याऐवजी स्वस्त केले. शुक्रवारी पाकिस्तान सरकारने पेट्रोलच्या किमतीत प्रति लीटर ६ रुपये कपात केली. तर हाय स्पीड डिझेलच्या प्रति लीटर किमतीत ६.८० पैशांची कपात केली आहे.

नवीन नोटिफिकेशननंतर पेट्रोलची किंमत ही ४०३.७८ रुपये प्रति लीटर आणि हाय स्पीड डिझेलची किंमत ४०२.७८ रुपये प्रति लीटर झाली आहे. विशेष म्हणजे पाकिस्तानाने सलग दुसऱ्या आठवड्यात पेट्रोल-डिझेलच्या दरात कपात केली आहे. मात्र भारताने आठवडाभरात तीन वेळा दरवाढ केली.