लाइव्ह सेक्स शो रॅकेटचा पर्दाफाश

मुंबई : पिहू नावाच्या मोबाइल अ‍ॅपवरून पैसे आकारून लाइव्ह सेक्स शोचे प्रसारण करणार्‍या एका रॅकेटचा मुंबई पोलिसांनी भांडाफोड केला आहे. या प्रकरणी पोलिसांनी तिघांना अटक केली असून इतरांचा शोध सुरू आहे. वर्सोवा पोलिसांनी ही कारवाई केली. पोलीस अधिकार्‍यांनी दिलेल्या माहितीनुसार, अटक करण्यात आलेल्यांमध्ये एक तरुणी (वय 20), एक महिला (वय 34) व एका तरुणाचा (वय 27) समावेश आहे. हे तिघे पॉर्न दृश्यांचे चित्रीकरण करून ते मोबाइल अ‍ॅपवर अपलोड करायचे. तसेच, युजर्सना महिलांसोबत ऑडिओ किंवा व्हिडिओ कॉल बुक करण्याची सुविधा या अ‍ॅपच्या माध्यमातून देण्यात आली होती.