चंदीगड विमानतळाबाहेर खलिस्तानी घोषणा

चंदीगड ः भारत सरकारच्या हिटलिस्टमध्ये समाविष्ट असलेला खलिस्तानी समर्थक खलिस्तानी शीख फॉर जस्टिस अर्थात एसएफजी दहशतवादी गुरपतवंत सिंग पन्नूने आता मोहालीच्या चंदीगड विमानतळाबाहेर खलिस्तान जिंदाबादच्या घोषणा दिल्या आहेत. पन्नूने त्याचा व्हिडिओही जारी केला आहे. एवढेच नाही तर आजपासून एअर इंडियाच्या विमानांवर बहिष्कार टाकण्याची घोषणाही केली.
एसएफजीला अमृतसर-अहमदाबाद-दिल्ली विमानतळावर प्रवेश आहे, अशी धमकी पन्नू या दहशतवाद्याने दिली. शीख राष्ट्राच्या हिताचे रक्षण करण्यासाठी 19 नोव्हेंबरनंतर एअर इंडियासोबत उड्डाण करू नका कारण त्यामुळे भावी शीख पिढ्या धोक्यात येतील. काही दिवसांपूर्वी दहशतवादी पन्नूनेही एक व्हिडिओ जारी केला होता. ज्यात 19 नोव्हेंबरला एअर इंडियाच्या फ्लाइटमध्ये प्रवास न करण्याचे सांगितले होते. असे केल्यास तुमच्या जीवाला धोका होऊ शकतो. पन्नूने 19 नोव्हेंबर रोजी दिल्लीतील इंदिरा गांधी आंतरराष्ट्रीय विमानतळ बंद करण्याची धमकी दिली होती. 19 नोव्हेंबर हा तोच दिवस आहे ज्या दिवशी क्रिकेट विश्‍वचषक स्पर्धेचा अंतिम सामना होणार आहे, असे ते म्हणाले होते. यासोबतच दहशतवादी पन्नूने व्हिडिओमध्ये म्हटले होते की, भारताने शीखांवर अत्याचार केले आहेत. पंजाबला भारतापासून वेगळे केल्यानंतर ते दिल्ली विमानतळाचे नाव बदलून बेअंत सिंग, सतवंत सिंग यांच्या नावावर ठेवतील. बेअंत सिंग आणि सतवंत सिंग हे माजी पंतप्रधान इंदिरा गांधी यांचे अंगरक्षक होते. या दोघांनी 31 ऑक्टोबर रोजी दिवंगत पंतप्रधान इंदिरा गांधी यांच्यावर गोळीबार केला, परिणामी त्यांचा मृत्यू झाला. 18 जून रोजी कॅनडात दहशतवादी हरदीप सिंह निज्जरची हत्या झाल्यापासून पन्नू अस्वस्थ आहे. तो रोज भारत आणि कॅनडातील भारतीय राजदूतांना धमक्या देत आहे. कॅनडा आणि भारत यांच्यात निर्माण झालेल्या वादात दहशतवादी पन्नूचेही महत्त्वाचे कनेक्शन आहे.