जिष्णू देव वर्मा महाराष्ट्राचे नवे राज्यपाल

मुंबई : जिष्णू देव वर्मा यांनी महाराष्ट्राचे नवे राज्यपाल म्हणून पदाची शपथ घेतली. मुंबईतील लोकभवन येथे मंगळवारी झालेल्या सोहळ्यात त्यांचा शपथविधी पार पडला. या कार्यक्रमाला मुख्यमंत्री देवेंद्र फडणवीस, उपमुख्यमंत्री सुनेत्रा पवार आणि उपमुख्यमंत्री एकनाथ शिंदे यांच्यासह अनेक मान्यवर उपस्थित होते. राज्यपालपदाची जबाबदारी स्वीकारल्यानंतर जिष्णू देव वर्मा यांनी राज्याच्या सर्वांगीण प्रगतीसाठी काम करण्याची भूमिका व्यक्त केली. शपथविधी सोहळा साध्या पण उत्साही वातावरणात पार पडला. यापूर्वी सोमवारी जिष्णू देव वर्मा हे पत्नी सुधा देव वर्मा यांच्यासह मुंबईत दाखल झाले होते. त्यांच्या स्वागतासाठी मुख्यमंत्री देवेंद्र फडणवीस, उपमुख्यमंत्री सुनेत्रा पवार, उपमुख्यमंत्री एकनाथ शिंदे तसेच राम शिंदे, आशिष शेलार, मुंबईच्या महापौर रितू तावडे आणि इतर मान्यवर उपस्थित होते.