होर्डिंग दुर्घटनेतील बळींचा आकडा 17 वर

मुंबई ः मुंबईच्या घाटकोपर परिसरात 13 मे रोजी होर्डिंग कोसळून झालेल्या दुर्घटनेतील आणखी एका जखमीचा मृत्यू झाला आहे. यामुळे मृतांचा आकडा बुधवारी 17 वर पोहोचला आहे. या घटनेत 74 जण जखमी झालेत. घाटकोपरच्या पेट्रोल पंपावर पडलेले बेकायदेशीर होर्डिंग तब्बल 250 टन वजनाचे होते. ते इगो मीडिया प्रायव्हेट लिमिटेड कंपनीचे होते. कंपनीचा मालक भावेश भिंडे याला पोलिसांनी 16 मे रोजी उदयपूर येथून अटक केली होती. त्याच्यावर सदोष मनुष्यवधाचा गुन्हा दाखल करण्यात आला आहे.