संभाजीनगरात गॅस गळतीची इमर्जन्सी

छ. संभाजीनगर ः छत्रपती संभाजीनगर येथील सिडको बसस्थानक भागात टँकरमधून गॅस गळती होत असल्यामुळे आणीबाणी उद्भवली आहे. पहाटे 6 पासून ही गॅसगळती सुरू आहे. यामुळे या भागातील शाळा, वाहतूक, दुकाने, हॉटेल्स व अन्य प्रतिष्ठाने पूर्णतः बंद ठेवण्यात आली आहेत. खबरदारी म्हणून या भागातील नागरिकांना विजेची उपकरणे बंद ठेवण्याचेही आवाहन करण्यात आले आहे. या घटनेमुळे शहराची जीवनवाहिनी असणारा जालना रोड पूर्णतः बंद करण्यात आला आहे. यामुळे या मार्गावरील वाहतूक पर्यायी मार्गाने वळवण्यात आली आहे.