Homeताज्या बातम्यामहाराष्ट्र

महाबळेश्‍वर गारठले; पर्यटकांमध्ये उत्साहाचे वातावरण

महाबळेश्‍वर / प्रतिनिधी : जग प्रसिध्द पर्यटनस्थळ असलेल्या महाबळेश्‍वरमध्ये थंडीचा कडाका वाढला असून, मंगळवारी पारा 4 अंशापर्यंत घसरला. त्यामुळे नागरिक

आसमानी  संकटापुढे बळीराजा हतबल 
कृषिकन्याचे पानसवाडीत शेती मार्गदर्शन
बेलवडे विकास सेवा सोसायटी निवडणूकीत सत्तांतर

महाबळेश्‍वर / प्रतिनिधी : जग प्रसिध्द पर्यटनस्थळ असलेल्या महाबळेश्‍वरमध्ये थंडीचा कडाका वाढला असून, मंगळवारी पारा 4 अंशापर्यंत घसरला. त्यामुळे नागरिकांना हुडहुडी भरली. अवघे जनजीवन गारठून गेले. कडाक्याच्या थंडीसोबतच गार वारे वाहत असल्याने पर्यटक महाबळेश्‍वरमध्ये काश्मिरी थंडीचाच फिल अनुभवत आहेत. थंडीचा पारा असाच खाली येत राहिला तर एक ते दोन दिवसांत वेण्णा लेकसह लिंगमळा परिसरात हिमकण तयार होण्याची शक्यता आहे.
गेल्या काही दिवसांपासून महाबळेश्‍वर शहर व परिसरात थंडीचा कडाका वाढला आहे. या थंडीमुळे निसर्गाची विविध आकर्षक रूपे व सृष्टीसौंदर्य येथे पाहायला मिळत आहे. वेण्णा लेक परिसर, लिंगमळा परिसरातही थंडी चांगलीच जाणवत आहे. मंगळवारी तापमान घसरल्याने वेण्णा लेक परिसर पहाटे धुक्याच्या दुलईत लपेटला गेला. पारा 4 अंशांपर्यंत खाली आल्यामुळे वेण्णालेक, लिंगमळा धबधबा परिसरात थंडीचे वातावरण निर्माण झाल्याने नागरिक काकडून गेले.
पर्यटक शाल, स्वेटर, कानटोपी परिधान करून शहरातील मुख्य बाजारपेठेमध्ये फेरफटका मारताना दिसून येत आहेत. वेण्णा लेक परिसरात थंडीचे प्रमाण अधिक असल्याने स्थानिकांनी शेकोटीचा आधार घेतल्याचे चित्र पहायला मिळाले. वेण्णालेक, लिंगमळा परिसरात पाण्याच्या साठ्यामुळे हवेत आर्द्रतेचे प्रमाण वाढले की दरवर्षी दवबिंदू पडण्यास सुरुवात होते. त्या दवबिंदूंवर प्रक्रिया होऊन त्याचे रूपांतर हिमकणात होते. हे हिमकण दरवर्षी वेण्णालेक परिसरातील लोखंडी जेटी, वाहनांचे टप, घरे, झाडांच्या पानांवर पडल्याचे दृश्य पहायला मिळते.

COMMENTS