मुक्ताईनगर जवळ राष्ट्रीय महामार्गावर भीषण अपघात

जळगाव प्रतिनिधी- जळगाव(Jalgaon) जिल्ह्यातील मुक्ताईनगर(Muktainagar) जवळ राष्ट्रीय महामार्गावर भीषण अपघात झाला आहे. यावेळी झालेल्या अपघातात ट्रकचा चक्काचूर झाला आहे. मिळालेल्या माहितीनुसार, हैदराबाद ते सुरतला जाणाऱ्या ट्रकचा मुक्ताईनगरच्या हडताळा नजीक अपघात झाला. हा अपघात ट्रक समोर मध्यरात्री वन्य प्राणी आल्याने त्याला वाचवताना झाला. यावेळी ट्रक पुलाला धडकला. हा अपघात एवढा भीषण होता की ट्रकची केबिन पुलाखाली कोसळली. मात्र सुदैवाने अपघातात कुठलीही जीवित हानी झालेली नाही. मात्र या घटनेत ट्रकचा चक्काचूर झाला आहे.