कोटक महिंद्रा बँकेवर रिझर्व्ह बँकेचे निर्बंध

मुंबई ः रिझर्व्ह बँक ऑफ इंडियाने बुधवारी कोटक महिंद्रा या आघाडीच्या बँकेवर कारवाईचा बडगा उगारला आहे. रिझर्व्ह बँकेने कोटक बँकेच्या ऑनलाइन आणि मोबचर्लल बँकिंगवर तात्काळ प्रभावाने बंदी घातली आहे. ही कारवाई 2022 आणि 2023 च्या आयटी परीक्षेत उपस्थित केलेल्या चिंतांमुळे बँकिंग नियमन कायदा, 1949 च्या कलम 35 ए अंतर्गत कारवाई केली.
रिझर्व्ह बँकेला आयटी इन्व्हेंटरी, पॅच मॅनेजमेंट, युजर अ‍ॅक्सेस, व्हेंडर जोखीम, डेटा सिक्युरिटी आणि डिझास्टर रिकव्हरीमध्ये महत्त्वपूर्ण कमतरता आढळल्या. आयटी इन्व्हेंटरी मॅनेजमेंट, पॅच अँड चेंज मॅनेजमेंट, युजर अ‍ॅक्सेस मॅनेजमेंट, व्हेंडर रिस्क मॅनेजमेंट, डेटा सिक्युरिटी आणि डेटा लीक प्रिव्हेन्शन स्ट्रॅटेजी, बिझनेस कन्टिन्युटी आणि डिझास्टर रिकव्हरी काटेकोरपणा आणि ड्रिल मध्ये गंभीर त्रुटी आणि अनुपालन नसल्याचे रिझर्व्ह बँकेच्या निवेदनात म्हटले आहे. रिझर्व्ह बँकेने म्हटले आहे की बँक सलग दोन वर्षे आयटी जोखीम आणि सुरक्षा प्रशासनात कमतरता होती, सुधारात्मक कृती योजनांचे पालन करण्यात अपयशी ठरली. गेल्या दोन वर्षांत कोअर बँकिंग सिस्टीम आणि डिजिटल चॅनेल्समध्ये वारंवार आणि लक्षणीय बिघाड झाला आहे. क्रेडिट कार्डशी संबंधित व्यवहारांसह डिजिटल व्यवहारांमध्ये वेगाने वाढ, ज्यामुळे आयटी सिस्टमवरील भार वाढत आहे, असे मध्यवर्ती बँकेने म्हटले आहे. तसेच ग्राहकांच्या हितासाठी आणि संभाव्य दीर्घकाळ खंडित होण्यापासून रोखण्यासाठी निर्बंध घातले आहेत जे केवळ कार्यक्षम ग्राहक सेवा प्रदान करण्याच्या बँकेच्या क्षमतेवरच नव्हे तर डिजिटल बँकिंग आणि पेमेंट सिस्टमच्या वित्तीय इकोसिस्टमवर देखील गंभीर परिणाम करू शकतात. रिझर्व्ह बँकेने कोटक महिंद्रा बँकेला आपल्या ऑनलाइन आणि मोबाइल बँकिंग चॅनेलद्वारे नवीन ग्राहकांना ऑनबोर्ड करण्यास आणि नवीन क्रेडिट कार्ड जारी करण्यास मनाई केली आहे.