जळगाव जिल्ह्यातील जवानाला वीरमरण

जळगाव ः जिल्ह्यातील रोटवद (ता. धरणगाव) येथील मूळ रहिवासी आणि गुजरात राज्यातील अहमदाबाद येथे सैन्यदलात कर्तव्य बजावत असताना जवान विनोद जवरीलाल पाटील (वय 39) यांचा आकस्मिक मृत्यू झाला. जवान विनोद पाटील दिवाळीला घरी आले होते. त्यांनी लक्ष्मीपूजन रोटवदला केले. नंतर भावाकडे अंकलेश्‍वर येथे भाऊबीज करून ते ड्यूटीवर हजर झाले. त्याच्या दुसर्‍याच दिवशी ही दुर्दैवी घटना घडली. जवान विनोद जवरीलाल पाटील हे रोटवद (ता. धरणगाव) येथील रहिवासी असून, गेल्या अकरा वर्षांपासून सैन्यदलात कार्यरत होते.