जळगावमध्ये पत्रकाराला बेदम मारहाण

जळगाव : जळगावातील एका मुलीच्या खून प्रकरणी मुख्यमंत्री एकनाथ शिंदेंवर टीका केल्याप्रकरणी जळगाव येथील पत्रकार संदीप महाजन यांना अज्ञातांनी जबर मारहाण केली. हा हल्ला आमदार किशोर पाटील यांच्या कार्यकर्त्यांनी केल्याचा आरोप संबंधित मारहाण झालेल्या पत्रकाराने केला आहे. या पूर्वी देखील संदीप महाजन यांना मारण्याची धमकी देणार्‍या आमदार पाटील यांची व्हॉईस क्लिप ही व्हायरल झाली होती. यानंतर त्यांना ही मारहाण झाली आहे. दरम्यान, या घटनेचा पत्रकारिता क्षेत्रातून निषेध केला जात आहे. या मारहाणीत संदीप महाजन जखमी झाले असून त्यांनी या प्रकरणी पाचोरा पोलिस ठाण्यात तक्रार दिली आहे.