पुण्यात दीड कोटींचा विदेशी दारूचा साठा जप्त

पुणे : पुण्यात नवीन वर्षांचा फिवर सुरू होत असतांनाच राज्य उत्पादन शुल्क विभागाने मोठी कारवाई केली आहे. गोव्याहून पुण्यात नवीन वर्षांचा पार्श्‍वभूमीवर अवैधरित्या विक्रीसाठी आलेला तब्बल 1 कोटी 75 लाख रुपयांचा विदेशी दारू साठा जप्त करण्यात आला आहे. विशेष म्हणजे तस्करांनी दारूचा वास येऊ नये म्हणून डांबराच्या गोळ्या कंटेनरमध्ये ठेवल्या होत्या. पोलिसांच्या पथकाने या प्रकरणी 7 जणांना अटक केली आहे. नवीन वर्षांच्या सेलिब्रेशनच्या एक दिवसाआधी ही मोठी कारवाई करण्यात आली आहे. अधिकार्‍यांनी तब्बल 2 हजारांहून अधिक दारूचे बॉक्स जप्त केले आहे. राज्य उत्पादन शुल्कच्या पथकाला मोठा मद्यसाठा अवैधरित्या पुण्यात येणार असल्याची माहिती मिळाली होती.