छत्तीसगडमध्ये 12 नक्षलवाद्यांचा खात्मा

रायपूर : बिजापूर जिल्ह्यातील उसूर ब्लॉकच्या पुजारी कांकेर आणि मरुडबाकाच्या जंगलात गुरूवारी उशीरा रात्री सुरक्षा जवान आणि नक्षलवाद्यांमध्ये चकमक झाली. यावेळी सुरक्षा दलांनी 12 नक्षलवाद्यांना कंठस्नान घातले. विजापूर आणि तेलंगणाच्या सीमेवर असलेल्या 3 जिल्ह्यांमध्ये नक्षलवाद्यांविरोधात मोठी कारवाई सुरू आहे.
यादरम्यान सकाळी 9 वाजेच्या सुमारा दक्षिण विजापूरच्या जंगलात गोळीबार सुरू झाला. यामध्ये आतापर्यंत 12 नक्षलवादी ठार झाले आहे. या परिसरात चकमक आणि शोध मोहिम सुरू असून जंगलातून जवान परतल्यावरच मृतकांचा नेमका आकडा कळू शकेल अशी माहिती एका वरिष्ठ अधिकार्‍यांनी दिली.