जम्मू-काश्मीरमध्ये तीन टप्प्यात निवडणूक

नवी दिल्ली ः केंद्रीय निवडणूक आयोगाने शुक्रवारी पत्रकार परिषद घेत जम्मू-काश्मीर आणि हरियाणा राज्यातील विधानसभा निवडणुकीची घोषणा केली आहे. जम्मू काश्मीरमध्ये दोन टप्प्यात तर हरियाणात एकाच टप्प्यात निवडणूक होणार आहे. मुख्य निवडणूक आयुक्त राजीवकुमार यांनी शुक्रवारी या निवडणुकीची घोषणा केली. त्यानुसार जम्मू-काश्मीरमध्ये 18 सप्टेंबर, 25 सप्टेंबर आणि 1 ऑक्टोबर आणि हरियाणामध्ये 1 ऑक्टोबरला तीन टप्प्यांत निवडणुका होणार आहेत. 4 ऑक्टोबर रोजी मतमोजणी होणार आहे.

यावेळी राजीव कुमार म्हणाले की, लोकसभा निवडणुका शांततेत पार पडल्या. संपूर्ण देशाने निवडणुकीचा सण साजरा केला. लांबच लांब रांगा, ज्येष्ठ आणि तरुण मतदानासाठी गेले. लोकशाहीचे जिवंत उदाहरण देशाने पाहिले. भारताने जगाला जे चित्र दाखवले ते थक्क करणारे होते. आम्ही पाहिलेली चमक बर्‍याच काळासाठी दृश्यमान असेल. जगात कुठेही निवडणुका झाल्या की तुम्हाला तुमच्या देशाची आठवण येईल आणि आमच्या ताकदीची आठवण करून दिली जाईल. पुढे ते म्हणाले जम्मू-काश्मीरमध्ये आम्ही ज्या राजकीय पक्षांशी बोललो त्या सर्वांचे मत होते की निवडणुका लवकरात लवकर व्हाव्यात. मतदान केंद्रावर लागलेल्या लांबच लांब रांगा हे लोकशाहीचे बलस्थान होते हे तुम्हाला आठवत असेल. आशेची आणि लोकशाहीची झलक दिसून येते की जनतेला स्वतःचे नशीब बदलायचे आहे. देशाचे भवितव्य बदलण्यात लोकांना सहभागी व्हायचे आहे. 2014 पासून जम्मू-काश्मीरमध्ये निवडणुका झालेल्या नाहीत. 2019 मध्ये कलम 370 हटवल्यानंतर येथे राष्ट्रपती राजवट लागू झाली होती. केंद्रशासित प्रदेश बनल्यानंतर तेथे एलजी प्रशासक आहेत. विधानसभा निवडणुकीबाबत, निवडणूक आयोगाची टीम 8-9 ऑगस्टला जम्मू-काश्मीर आणि 12-13 ऑगस्टला हरियाणामध्ये गेली. आयोगाने अद्याप महाराष्ट्र आणि झारखंडचा दौरा केलेला नाही. अशा परिस्थितीत आज जम्मू-काश्मीर आणि हरियाणा विधानसभा निवडणुकीच्या तारखा जाहीर होण्याची शक्यता आहे. 11 डिसेंबर 2023 रोजी सर्वोच्च न्यायालयाने निवडणूक आयोगाला जम्मू-काश्मीरमध्ये 30 सप्टेंबर 2024 पर्यंत विधानसभा निवडणुका घेण्याचे निर्देश दिले होते. न्यायालयाचे हे निर्देश जम्मू-काश्मीरचा विशेष दर्जा रद्द करण्याला आव्हान देणार्‍या याचिकांवरील निर्णयाचा एक भाग होता. जम्मू-काश्मीरला लवकरात लवकर राज्याचा दर्जा देण्यात यावा आणि तेथे निवडणुका व्हाव्यात, असे सर्वोच्च न्यायालयाने म्हटले होते. जम्मू-काश्मीरला लवकरात लवकर राज्याचा दर्जा परत करावा. लडाखला केंद्रशासित प्रदेश करण्याचा निर्णय सर्वोच्च न्यायालयाने कायम ठेवला आहे.

जम्मू काश्मीरसाठी 18, 25 सप्टेंबर व 1 ऑक्टोबरला मतदान – जम्मू-काश्मीरमध्ये 18 सप्टेंबर, 25 सप्टेंबर आणि 1 ऑक्टोबर आणि हरियाणामध्ये 1 ऑक्टोबरला तीन टप्प्यांत निवडणुका होणार आहेत. 4 ऑक्टोबर रोजी मतमोजणी होणार आहे. सुरक्षेच्या दृष्टीने जम्मू-काश्मीरमध्ये तीन टप्प्यात निवडणूक होणार आहे. जम्मू आणि काश्मीरमध्ये 87.9 लाख मतदार आहेत जे मतदानाचा हक्क बजावतील. जम्मू आणि काश्मीरमध्ये 11 हजार 838 मतदान केंद्रे स्थापन करण्यात आली आहेत, ज्यात 42.6 लाख महिलांसह 87.09 लाख मतदार आहेत, जे त्यांचा मतदानाचा हक्क बजावतील. तर हरियाणा राज्यात 20 हजार 629 मतदान केंद्रे आहेत. हरियाणात 2 कोटींहून अधिक मतदार असल्याचेही निवडणूक आयोगाने म्हटले आहे.

महाराष्ट्र विधानसभा निवडणुकीची घोषणा टाळली – केंद्रीय निवडणूक आयोगाने महाराष्ट्र विधानसभा निवडणुकीची घोषणा करणे टाळले आहे. यासंदर्भात अधिक माहिती देतांना मुख्य निवडणूक आयुक्त राजीव कुमार म्हणाले की, मागील वेळेस महाराष्ट्र आणि हरियाणा विधानसभा निवडणुका एकत्र झाल्या हे खरे आहे. मात्र, त्यावेळी जम्मू-काश्मीर हा घटक नव्हता. यावेळी एका वर्षी 4 निवडणुका आहेत आणि त्यानंतर लगेच पाचवी निवडणूक आहे. सुरक्षेच्या कारणास्तव आम्ही फक्त 2 निवडणुका एकत्र घेण्याचा निर्णय घेतला आहे. याची सुरुवात जम्मू-काश्मीर आणि हरियाणापासून होईल. त्यानंतर महाराष्ट्र, झारखंड आणि दिल्लीची निवडणूक होईल, असे राजीव कुमार म्हणाले. महाराष्ट्र विधानसभेची निवडणूक टाळण्याचे कारण देताना त्यांनी सण-उत्सवांकडे बोट दाखवले. महाराष्ट्रात अलीकडे मुसळधार पाऊस झाला. शिवाय, राज्यात अनेक सणही आहेत. त्यात गणेशोत्सव आहे. पितृपक्ष आहे. त्यानंतर नवरात्रोत्सव, दिवाळी आहे.