पिंपरी चिंचवडमध्ये बॉम्ब सापडल्याने खळबळ

पिंपरी चिंचवड : शहरातील मध्य वस्तीत असलेल्या कोहिनूर इमारतीच्या परिसरात खोदकाम सुरु असताना एक बॉम्ब सापडला. त्यामुळे शहरात एकच खळबळ उडाली आहे. हा शेल बॉम्ब असल्याची माहिती पोलिसांनी दिली. हा बॉम्ब जिवंत आहे की नाही या बाबत बॉम्बनाशक पथक शोध घेत आहे.
दुपारी 10 ते 12 च्या दरम्यान पिंपरी मधील कोहिनूर सोसायटीच्या आवारात खोदकाम सुरू असताना जेसीबी चालकाला हा बॉम्ब आढळून आला. यावेळी उपस्थितांनी तत्काळ सोसायटी मधील चेअरमन यांना ही घटना कळवली. ज्या ठिकाणी बाँब आढळून आला त्या ठिकाणी पाहणी करत तो बाँब सील करून तपासणी साठी घेऊन गेले आहेत. हा शेल बॉम्ब असल्याची माहिती पिंपरी पोलिसांनी दिलीयहा बॉम्ब जिवंत आहे की नाही या बाबत बॉम्ब नाशक पथक शोध घेत आहे.