श्रीक्षेत्र पैठणच्या पालखी सोबतच्या वारकऱ्यांची गैरसोय होणार नाही – राहुल शेळके

श्रीक्षेत्र पैठणचे शांतीब्रह्म श्री संत एकनाथ महाराजांच्या पालखीचे पंढरपूरकडे प्रस्थान होऊन नगर जिल्ह्यातून जात असलेल्या या पालखीबरोबर जाणाऱ्या वारकऱ्यांची गैरसोय होणार नाही ‘ याबाबत प्रशासनाने दखल घेतली असून जिल्हा परिषदेचे उपमुख्य कार्यकारी अधिकारी राहुल शेळके व शेवगाव पंचायत समितीच्या गटविकास अधिकारी सोनल शहा यांनी या पालखी मार्गाची पाहणी करून प्रशासकीय अधिकाऱ्यांना रस्ता दुरुस्त करण्याबाबत सूचना दिल्या आहेत ,
पंढरपूर क्षेत्री विठुरायाच्या दर्शनासाठी वैष्णवांचा मेळा दिंड्या ‘ पालख्या घेऊन निघालेला असून श्रीक्षेत्र पैठणचे शांतीब्रह्म श्री संत एकनाथ महाराजांची पालखी देखील पैठण येथून प्रस्थान होऊन अहिल्यानगर जिल्ह्याच्या मुंगी , हातगाव , बोधेगाव , बालमटाकळी ,बाडगव्हाण , लाड जळगाव मार्गे बीड जिल्ह्यात प्रवेश करणार असल्याने नगर जिल्हा परिषदेच्या प्रशासकीय विभागाने पालखी हातगाव येथे मुक्कामाचे ठिकाणची व्यवस्था व वारकऱ्यांना निवासाची ‘ पिण्याच्या पाण्याची गैरसोय होणार नाही तसेच पालखी रस्त्याची पाहणी करून बालमटाकळी ते बाडगव्हाण खराब रस्त्याची दुरुस्ती करण्यात आली आहे ,
यावेळी पंचायत समितीचे गटविकास अधिकारी सोनल शहा विस्तार अधिकारी दादासाहेब शेळके , सरपंच डॉक्टर राम बामदळे , सरपंच अंबादास ढाकणे ,यांचे सह ग्रामस्थ उपस्थित होते .