पत्नीच्या मदतीने नवर्‍याने प्रेयसीला संपवले

मुंबई ः वसईमध्ये एक धक्कादायक घटना घडली आहे. लिव्ह इन रिलेशनशिपमध्ये असलेल्या एका तरुणीची निर्घृण हत्या करण्यात आली. हत्या करून तरुणीचा मृतदेह वापी नदीमध्ये फेकण्यात आला आहे. सदर घटनेची माहिती पोलिसांना कळताच पोलिसांनी तपासात दोघांना अटक केली. मिळालेल्या अधिक माहितीनुसार, आरोपी वसईचा राहणारा असून तो विवाहित आहे. तसेच तो फिल्म इंडस्ट्रीमध्ये कॉस्टयूम डिझाईनचे काम करतो. याच ठिकाणी मृत तरुणी मेकअप आर्टिस्ट म्हणून काम करायची. ती सनटेक येथील रहिवासी होती. मयत 28 वर्षीय तरुणी आणि आरोपीमध्ये गेल्या 5 वर्षांपासून प्रेमसंबंध होते. ते लिव्ह इन रिलेशनशिपमध्ये राहत होते.