हात पाठीमागे बांधून दोघा मजुरांना अमानुष मारहाण!

सोलापूर प्रतिनिधी-  सोलापूरच्या माढा तालुक्यातून धक्कादायक घटना समोर आली आहे. दोघा मजुरांना अमानुष मारहाण करण्यात आली आहे. या मारहाणीत दोघा मजुरांचे हात पाठीमागून बांधून लाथा बुक्क्यांनी, शिविगाळ करत बेदम मारहाण करण्यात आली आहे. कामाचे पैसे घ्यायला या, असं म्हणत दोघा मजुरांना बोलावण्यात आलं असून चौघांनी मिळून त्यांना मारहाण केली. ही धक्कादायक प्रकार माढा तालुक्यामधील भुताष्टे गावातील असून याप्रकरणी चौघा जणांविरोधात गुन्हा दाखल करण्यात आला आहे. या घटनेचा व्हिडीओही समोर आला आहे. या प्रकरणी चौघांविरोधात अॅट्रोसिटी, मारहाण आणि अपहरणाचा गुन्हा दाखल करण्यात आला असून माढा पोलीस या घटनेप्रकरणी पुढील  तपास करत आहेत.