भाळवणीत बिबट्याचा थरार

भाळवणी : पारनेर तालुक्यातील भाळवणी येथील नागबेंदवाडी परिसरात बिबट्याने जयवंत भिकाजी रोहोकले यांच्या शेतामधील गोठ्यात शेळीवर हल्ला केला. या हल्ल्यात शेळीचा जागीच मृत्यू झाला असून परिसरात एकच खळबळ उडाली आहे.

       घटनेची माहिती मिळताच वनरक्षक अधिकारी दवणे व वनरक्षक बडे यांनी तातडीने घटनास्थळी धाव घेतली. त्यांनी पंचनामा करून पुढील कार्यवाहीसाठी वरिष्ठ अधिकाऱ्यांकडे पाठवला. यावेळी घटनास्थळी बाबाजी रोहोकले, हरी रोहोकले, कांताबाई रोहोकले आदी ग्रामस्थ उपस्थित होते. या घटनेमुळे भाळवणी व नागबेंदवाडी परिसरात भीतीचं वातावरण निर्माण झालं असून नागरिकांमध्ये बिबट्याच्या वाढत्या वावराची चर्चा सुरू आहे. वनविभागाने नागरिकांना रात्रीच्या वेळी बाहेर न जाण्याचं आणि पशुधन सुरक्षित ठिकाणी बांधून ठेवण्याचं आवाहन केलं आहे.