कोयत्याने केक कापून काँग्रेस आमदाराने कार्यकर्त्याचा वाढदिवस साजरा केला 

नांदेड प्रतिनिधी – काँग्रेसचे माजी अध्यक्ष आणि खासदार राहुल गांधी  यांची भारत जोडो यात्रा सध्या महाराष्ट्रात आहे. या यात्रेचा आज महाराष्ट्रात तिसरा दिवस आहे. नांदेडच्या  शंकर नगरमधून राहुल गांधी यांच्या यात्रेला सुरुवात झाली. असंख्य कार्यकर्ते या यात्रेत सामील झालेत. एकीकडे महाराष्ट्रातील काँग्रेस जोडो यात्रा चर्चेत असतानाच दुसरीकडे महाराष्ट्रातच एका काँग्रेस आमदाराच्या व्हिडीओने सगळ्यांचं लक्ष वेधलंय. चक्क कोयत्याने केक कापून काँग्रेस आमदाराने कार्यकर्त्याचा वाढदिवस साजरा केलाय. त्यामुळे अनेकांच्या भुवया उंचावल्यात. वाढदिवसाच्या सेलिब्रेशनचा हा व्हिडीओ कार्यकर्त्याने आपल्या सोशल मीडिया अकाऊंटवर पोस्ट केलाय. त्यानंतर चर्चांना उधाण आलं आहे. महाराष्ट्रातील राजकीय पातळीचा स्तर खालावत चाललाय की काय? असा प्रश्न अनेकांनी उपस्थित केला आहे.