बारामती : ज्येष्ठ नेते शरद पवार हे आपले 'मार्गदर्शक' (Mentor) आहेत, असे मोठे विधान उद्योजक गौतम अदानी यांनी केले आहे. बारामती येथील विद्या प्रतिष्
बारामती : ज्येष्ठ नेते शरद पवार हे आपले ‘मार्गदर्शक’ (Mentor) आहेत, असे मोठे विधान उद्योजक गौतम अदानी यांनी केले आहे. बारामती येथील विद्या प्रतिष्ठानच्या ‘एआय (आर्टिफिशियल इंटेलिजन्स) आणि डेटा सायन्स’ सेंटरच्या उद्घाटन समारंभात ते बोलत होते. अदानी यांच्या या विधानामुळे राजकीय आणि व्यावसायिक वर्तुळात अनेक चर्चांना उधाण आले आहे.
पवारांच्या दूरदृष्टीचे कौतुक यावेळी बोलताना गौतम अदानी यांनी शरद पवार यांच्या राजकीय आणि सामाजिक कार्याचा गौरव केला. ‘शरद पवार साहेबांची दूरदृष्टी विलक्षण आहे. त्यांचे मार्गदर्शन माझ्यासाठी नेहमीच महत्त्वाचे राहिले आहे. कृषी, शिक्षण आणि राजकारण अशा विविध क्षेत्रांत त्यांचे योगदान अमूल्य आहे,’ असे अदानी म्हणाले. पवारांनी नेहमीच विकासाला प्राधान्य दिले आणि बारामतीसारख्या ठिकाणी अत्याधुनिक तंत्रज्ञानाचे केंद्र सुरू करणे, हे त्यांच्या दूरदृष्टीचेच प्रतीक असल्याचे त्यांनी नमूद केले.
एआय सेंटरचे महत्त्व बारामतीमध्ये सुरू झालेले हे सेंटर कृत्रिम बुद्धिमत्ता (AI) आणि डेटा सायन्सच्या क्षेत्रात तरुणांना प्रशिक्षित करेल. या उपक्रमामुळे ग्रामीण भागातील तरुणांना भविष्यवेधी तंत्रज्ञानाचे शिक्षण मिळेल आणि त्यांना जागतिक स्तरावर स्पर्धा करण्यासाठी तयार होता येईल, असा विश्वास गौतम अदानी यांनी व्यक्त केला. ‘या सेंटरमुळे केवळ बारामतीचाच नव्हे, तर महाराष्ट्रातील तरुणांच्या प्रगतीचा मार्ग सुकर होईल,’ असे ते म्हणाले.
या समारंभाला शरद पवार, सुप्रिया सुळे आणि विविध क्षेत्रांतील मान्यवर उपस्थित होते.
COMMENTS