जॉन्सन अँड जॉन्सनला मुंबई हायकोर्टाचा दिलासा

मुंबई/प्रतिनिधी ः मुंबई उच्च न्यायालयाने जॉन्सन अँड जॉन्सन कंपनीला बेबी पावडर तयार करण्यापासून रोखणारा एफडीएचा आदेश रद्द केला. तसेच कंपनीला त्यांची बेबी पावडर विकण्याची परवानगी दिली. मुंबई उच्च न्यायालयाच्या या निर्णयामुळे जॉन्सन अँड जॉन्सन कंपनीला मोठा दिलासा मिळाला आहे. एफडीएनं जॉन्सन अँड जॉन्सनच्या मुलुंड येथील कारखान्यात तयार करण्यात आलेली बेबी पावडर प्रमाणित दर्जाची नसल्याचे सांगत कंपनीचा परवाना रद्द केला होता. याशिवाय, त्यांच्या विक्रीवरही बंदी घातली होती.