पुढील दोन दिवस पावसाचा अंदाज

पुणे/प्रतिनिधी : एकीकडे उष्णता वाढत असतांना, दुसरीकडे येत्या 5 एप्रिलला कोकणातील रत्नागिरी आणि सिंधुदुर्ग, तर पश्‍चिम महाराष्ट्रातील सातारा आणि कोल्हापुरात दमदार पाऊस पडणार आहे. या जिल्ह्यांना यलो अलर्ट जारी करण्यात आला आहे. तसेच 6 एप्रिलला देखील या चारही जिल्ह्यांना अलर्ट जारी करण्यात आला असून सोसाट्याच्या वार्‍यासह आणि गडगडाटासह पावसाची शक्यता आहे. कोकणातील नागरिकांना देखील उकड्यापासून दिलासा मिळणार आहे.